NDU Elmi Kitabxanasında “Vətənpərvərlik mövzulu nəşrlərin təbliği” adlı dəyirmi masa keçirilmişdir.
Tədbiri giriş sözü ilə açan kitabxananın direktoru, filologiya üzrə fəlsəfə doktoru, dosent Xumar Məmmədova tədbirin keçirilməsində məqsədin əsasən gənclər arasında vətənpərvərlik hisslərinin gücləndirilməsi üçün təşviqat, Vətənə məhəbbət, millətə, torpağa sevgi, sədaqət mövzulu ədəbiyyatların, mətbu nəşrlərin təbliğat işlərini genişləndirməkdən ibarət olduğunu bildirmişdir.Tədbirdə kitabxana əməkdaşları ilə yanaşı, “Azərbaycan ədəbiyyatı” kafedrasının müdiri, filologiya üzrə fəlsəfə doktoru, dosent Nurlana Əliyeva və “Jurnalistika və xarici ölkələr ədəbiyyatı” kafedrasının müdiri, filologiya üzrə fəlsəfə doktoru, dosent Şəhla Şirəliyeva iştirak edərək mövzu ətrafında fikirlərini bildirmişlər. Çıxışçılar universitetin mətbu orqanı olan “Yeni fikir” qəzetinin səhifələrində mütəmadi olaraq torpaqlarımızın düşməndən azad olunması yolunda qəhrəmanlıq göstərən igid el oğulları və vətənpərvərliyin ən ali məqamı olan şəhidlik zirvəsinə yüksələn qəhrəmanlarımız haqqında məqalələri təhlil etmiş, yazıların əksəriyyətinin müəlliflərinin məhz tələbələrin olmasını yüksək qiymətləndirmişlər.
