Haqqımızda

Naxçıvan Dövlət Universitetinin Elmi Kitabxanası universitetin oxucuların elmi araşdırma aparması və informasiya əldə etməsi üçün geniş imkanlara malik olan bir strukturudur. Kitabxanada kitab, jurnal və digər informasiya mənbələrinə giriş və istifadənin təşkili həm ənənəvi, həm də elektron formada həyata keçirilir. Kitabxanada sorğusu həyata keçirilən müvafiq informasiya mənbələrinin axtarışı, dərslik, dərs vəsaiti və digər materiallardan, həmçinin elmi-tədqiqat və araşdırma zamanı geniş çap və elektron materiallardan istifadə təmin edilir, eləcə də onlayn sorğular cavablandırılır. Kitabxananın fondunda 100 mindən çox kitab, monoqrafiya, dərslik, soraq-biblioqrafiya materialları, dövri nəşrlər, dissertasiyalar və digər çap materialları, eyni zamanda alimlərin şəxsi kitabxanalarından kitabxanaya hədiyyə etdikləri qiymətli kitab kolleksiyaları mövcuddur.

Kitabxana zirzəmi ilə birlikdə 5 mərtəbədən ibarət olan əsas binadan, Tibb, K/T və təbiətşünaslıq, Xarici dillər fakültələrində və universitet yataqxanasında mövcud olan bölmə kitabxanalarından ibarətdir. Elmi Kitabxananın depozitar fondunun bir hissəsi kitabxanada (13851 ədəbiyyat), digər hissəsi isə universitetin əsas binasında (25840 ədəbiyyat) yerləşir. Fakültələrdə və yataqxanada olan kitabxanalarda oxucuların istifadəsi üçün oxucu yerləri da mövcuddur. Kitabxanada oxucu yerləri, informasiya məntəqəsi (ədəbiyyatın verilməsi və qəbulu sahəsi), kataloqlarda iş yeri, açıq istifadə fondları, qapalı saxlanma fondları mövcuddur. Qapalı fonda Mətbuat fondu və Depozitar fondlar daxildir. Kitabxana fondunda 3 açıq, 2 qapalı fond mövcuddur. Qapalı fondlarda temperaturu tənzimləyən, rütubəti aradan qaldıran avadanlıq quraşdırılıb. Bütün fondlar əlifba və sistemli kataloqa uyğun olaraq komplektləşdirilib. 2024-cü ilin yanvar ayında olan son statistikaya əsasən Elmi Kitabxananın ümumi fondu 176655 ədəbiyyatdan ibarətdir. Elmi Kitabxananın ümumi sahəsi 2265 kv.m (faydalı sahə 1840 kv.m) təşkil edir ki, onun da hər təhsil alana (təhsil alan sayı – nəfər) düşən sahəsi 9.9 kv.m-dir. Kitabxanada internetə qoşulmuş kompüterlərin sayı 45 ədəddir. Kitabxanada virtual və əyani sərgi sahələri mövcuddur ki, müvafiq zonalarda yeni nəşrlər və əlamətdar günlərlə bağlı informasiya istifadəçilərin nəzərinə çatdırılır. Kitabxanada 2 monitor, 120 nəfərlik yeri olan konfrans zalı mövcuddur və 25 nəfərdən ibarət tədbirlər üçün, 2-ci, 3-cü və 4-cü mərtəbələrdə tələbələrin qrup işi, fərdi məşğələləri üçün nəzərdə tutulmuş dəyirmi masalar mövcuddur. Oxu zallarında üzərində arakəsmələr olan ixtisaslaşmış oxucu stolları vardır. Oxucu zalları 210 oxucu tutumuna malikdir.
Universitetin nəzdində olan məktəb və kolleclərin tələbələri də Elmi Kitabxananın xidmətlərindən istifadə edirlər. Kitabxana fondunu zənginləşdirmək məqsədilə fondda kitablar, qəzetlər, jurnallar, avtoreferatlar, doktorluq və namizədlik, magistr dissertasiyalarının, ensiklopediyalar, biblioqrafik vəsaitlərin həm ənənəvi, həm də elektron formaları saxlanılır. Fonda, eyni zamanda CD-lər, DVD-lər, audio fayllar da daxildir. NDU Elmi Kitabxanasında elektronlaşma prosesi NDU-Lib- Kitabxana Avtomatlaşdırma sistemi vasitəsilə həyata keçirilir. Sistem vasitəsilə elektron kataloq, elektron kitablar hazırlanır. NDU-Lib- Kitabxana Avtomatlaşdırma sistemi, eyni zamanda kitabxananın mətbuat fondunda da istifadə olunur. Burada sistem dövri nəşrlər, avtoreferat və dissertasiyaların elektronlaşması üçün istifadə olunur. NDU Elmi Kitabxanasının rəsmi internet səhifəsi lib.ndu.edu.az saytı vasitəsilə kitabxana haqqında geniş məlumat əldə etməklə yanaşı, kitabxananın elektron resurslarına da çıxış əldə etmək mümkündür. Kitabxanada elektron kataloqun yaradılmasına baxmayaraq, kataloqlar ənənəvi qaydada da mövcuddur. Ən son statistikaya əsasən 6568 adda, 34833 sayda ədəbiyyatın elektron kataloqu hazırlanmışdır. Tədrisin keyfiyyətinin artırılması məqsədilə mövcud kitab sifarişi siyahısı kafedralarlarla tam razılaşdırılmış formada həyata keçirilir.

Kitabxana ilə kafedralar arasında tam koordinasiya mövcuddur. Kitabxana eyni zamanda Avropa İttifaqının maliyyələşdirdiyi Erasmus proqramının “Azərbaycanda institusional repozitoriyalar (elektron arxivlər) şəbəkəsi vasitəsilə tədqiqat potensialının inkişafı” (DIRNA) layihəsinə qoşulan Avropadan olan partnyor universitetlərlə yanaşı səkkiz Azərbaycan universitetindən biridir. Layihə çərçivəsi daxilində kitabxana əməkdaşları təlim məqsədilə digər ali məktəblərdə olmuşlar. Həmçinin kitabxana sisteminin yenidən qurulması məqsədilə Türkiyənin Qazi Universitetinə səfər təşkil olunmuş, təcrübə qazanılmışdır. Kitabxanada mütəmadi olaraq kitab təqdimatları, diskussiyalar, dəyirmi masalar, ədəbi-bədii gecələr, tanınmış elm və incəsənət xadimləri ilə görüşlər və müxtəlif məzmunlu tədbirlər keçirilir.