NDU Elmi Kitabxanasında tanınmış ingilis şairi, dramaturqu Uilyam Şekspirin “Hamlet” əsərinin müzakirəsi keçirilib.
Tədbiri giriş sözü ilə açan kitabxananın direktor müavini Aysu Rəsulzadə ədibin həyat və yaradıcılığı haqqında iştirakçıları məlumatlandırıb.
Kitabxana əməkdaşları, “Muzeyşünaslıq, arxiv işi və kitabxanaçılıq” kafedrası əməkdaşları və tələbələrin iştirak etdiyi tədbir daha sonra “Hamlet” əsərinin geniş müzakirəsi ilə davam edib. Qeyd olunub ki, “Hamlet” əsəri həm dramaturji struktur, həm də psixoloji dərinlik baxımından dünya ədəbiyyatının misilsiz nümunəsidir. Əsərdə Şekspirin məşhur monoloqları ümumbəşəri bir poetik dillə ifadə edilib.
