NDU Elmi Kitabxanasında Azərbaycan xalqının görkəmli yazıçısı Cəlil Məmmədquluzadənin “Ölülər” əsəri müzakirə olunub.
Tədbiri giriş sözü ilə açan kitabxananın direktor müavini Aysu Rəsulzadə Cəlil Məmmədquluzadənin zəngin yaradıcılığı haqqında iştirakçılara məlumat verib. Daha sonra tədbir iştirakçıları yazıçının “Ölülər” əsərinin süjet xətti, obrazlar sistemi və müəllifin cəmiyyətə yönəlmiş tənqidi baxışlarını təhlil edib. Çıxış edənlər “Ölülər” əsərinin yalnız bir dövrün deyil, bu günün də sosial problemlərini əks etdirdiyini vurğuladılar. Tədbir iştirakçıların fəal müzakirəsi və maraqlı çıxışları ilə yadda qaldı.
