NDU Elmi Kitabxanasında “Pedaqogika və psixologiya” kafedrasının dosenti, pedaqogika üzrə fəlsəfə doktoru Nəzakət Yusifova və “Avropa dilləri” kafedrasının müəllimi Zərifə Əmirovanın müəllifi olduqları “Müasir dövrdə ümumtəhsil məktəblərində yeniyetmələrin vətəndaşlıq işinin vəziyyəti” adlı monoqrafiyanın təqdimat mərasimi keçirilib.
Tədbiri giriş sözü ilə açan kitabxananın direktoru, filologiya üzrə fəlsəfə doktoru, dosent Xumar Məmmədova monoqrafiyanı gənc nəsildə vətəndaşlıq mövqeyinin, vətəndaşlıq hisslərinin formalaşdırılması baxımından yüksək qiymətləndirib.
Daha sonra Pedaqoji fakültəsinin dekanı, pedaqogika üzrə fəlsəfə doktoru, dosent Vəli Əliyev, NDU-nun “Pedaqogika və psixologiya” kafedrasının müdiri, pedaqogika üzrə fəlsəfə doktoru, dosent Taleh Xəlilov çıxış edərək monoqrafiyanın yeniyetmələrin vətəndaşlıq tərbiyəsi işində əhəmiyyətli bir mənbə olduğunu qeyd ediblər.
Sonda çıxış edən müəlliflər elmi mühitə yaradılan şəraitə görə universitet rəhbərliyinə minnətdarlıqlarını bildiriblər
