NDU Elmi Kitabxanasında könüllülər sırasına yeni qoşulan tələbələrlə görüş keçirilib.
Tədbiri giriş sözü ilə açan kitabxananın direktoru Xumar Məmmədova könüllülük fəaliyyətinin faydaları, kitabxana könüllülərinin bugünədək əldə etdikləri nailiyyətlər barədə iştirakçıları məlumatlandırıb, yeni kitabxana könüllülərini təbrik edib, onlara gələcək fəaliyyətlərində uğurlar arzulayıb. Daha sonra çıxış edən direktor müavini Aysu Rəsulzadə və baş kitabxanaçı Çinarə İsmayılova könüllülərlə birgə gələcək fəaliyyət istiqamətlərini, iş bölgülərini müəyyənləşdirib. Sonda kitabxana könüllüləri onlara yaradılan şəraitə görə universitet rəhbərliyinə öz minnətdarlıqlarını bildiriblər.
