NDU Elmi Kitabxanasının əməkdaşları və könüllüləri şəhid gizir Bağır Ələkbərovun evini ziyarət ediblər. Şəhidin valideynləri övladları ilə bağlı xatirələrindən, onun göstərdiyi şücaətlərdən, qəhrəmanlıqlardan bəhs edərək, Bağırın həyat yolunu əsl vətənpərvərlik məktəbi kimi qiymətləndiriblər.
Daha sonra çıxış edən NDU Elmi Kitabxanasının direktoru, filologiya üzrə fəlsəfə doktoru, dosent Xumar Məmmədova Bağır kimi qəhrəmanların Vətənin hər daşını, torpağını azad görmək istəyilə canlarını fəda etdiklərindən, adlarını uca bir mərtəbəyə - şəhidlik zirvəsinə qaldırdıqlarından bəhs edibdir. Sonda iştirakçılar şəhid Bağır Ələkbərovun ev-muzeyində onun şəxsi və xatirəsini özündə yaşadan digər əşyalarla yaxından tanış olublar.
