NDU Elmi Kitabxanasında “Sözün sehrində” kitab klubunun təşkilatçılığı ilə tanınmış azərbaycanlı şair, dramaturq Hüseyn Cavidin “Afət” faciəsinin müzakirəsi keçirilmişdir.
Tarix-filologiya fakültəsi tələbələrinin iştirakı ilə keçirilən tədbiri giriş sözü ilə açan kitabxananın direktor müavini Aysu Rəsulzadə kitab müzakirələrinin əhəmiyyətindən bəhs etmişdir. Daha sonra çıxış edən kitabxana könüllüsü, “Sözün sehrində” kitab klubunun rəhbəri, Azərbaycan dili və ədəbiyyatı ixtisasının 3-cü kurs tələbəsi Məryəm Qurbanova Hüseyn Cavid yaradıcılığından bəhs edərək müəllifin müzakirə olunan əsərinin bədii məziyyətlərindən söhbət açmışdır.
Tədbir daha sonra əsərin müzakirəsi ilə davam etmişdir.
