NDU Elmi Kitabxanasında "Beynəlxalq bazalara giriş" mövzusunda təlim keçirilib.
Kitabxananın direktor müavini Aysu Rəsulzadə, NDU-nun İnformasiya Texnologiyaları şöbəsinin proqramçısı Roza Ələsgərovanın təşkilatçılığı ilə keçən təlimdə kitabxana əməkdaşları və Kitabxanaçılıq və informasiya fəaliyyəti ixtisası tələbələri iştirak edib. Tədbiri giriş sözü ilə açan kitabxananın direktoru, filologiya üzrə fəlsəfə doktoru, dosent Xumar Məmmədova kitabxananın son dövrlər əldə etdiyi nailiyyətlərdən bəhs edib, fəaliyyətinin müasir standartlar səviyyəsində qurulmasından danışıb. Daha sonra təlimçilər tərəfindən iştirakçılara Clarivate və EBSCO beynəlxalq bazalarının imkanlarından istifadə haqqında məlumat verilib. Sonda iştirakçıların mövzu ilə bağlı sualları cavablandırılıb.
