Naxçıvan Qaziləri İctimai Birliyində Azərbaycan Silahlı Qüvvələrinin hərbi əməliyyatlar zamanı şəhid olan generalı Polad Həşimovun anası Səmayə xanımla görüş keçirilib
Görüşdə NDU Elmi Kitabxanasının əməkdaşları və könüllüləri də iştirak ediblər.
Qonaqları salamlayan sədr Ceyhun Bayramov birliyin fəaliyyət istiqamətləri haqqında danışaraq əsas məqsədlərinin qazilərə, şəhid ailələrinə, müharibə veteranlarına mənəvi dayaq durmaq olduğunu bildirib.
Daha sonra çıxış edən NDU Elmi Kitabxanasının direktoru, filologiya üzrə fəlsəfə doktoru, dosent Xumar Məmmədova bu cür görüşlərin təşkilinin gənclərin vətənpərvərlik hisslərinin gücləndirilməsində böyük rol oynadığından bəhs edib.
