“Internationalization of education”
NDU Elmi Kitabxanasında “Internationalization of education” (Təhsilin beynəlmiləlləşməsi) adlı dəyirmi masa keçirilib. İngilis dilində keçirilən dəyirmi masada qonaq qismində iştirak edən rektor müşaviri Rəcəb Cəfərli ilk olaraq, ali təhsilin beynəlmiləlləşməsi konseptinə və onun son illərdə qazandığı əhəmiyyətə aydınlıq gətirib. Natiq eyni zamanda, Naxçıvan Dövlət Universitetinin beynəlxalq, mədəniyyətlərarası və qlobal istiqamətlərdə inteqrasiyası prosesindəki qazandığı uğurlardan da bəhs edib. Xarici tələbələrin də iştirak etdiyi dəyirmi masada mövzu geniş müzakirə olunub, iştirakçıları maraqlandıran suallar cavablandırılıb
