Naxçıvan Dövlət Universitetinin Elmi Kitabxanasının növbəti qonaqları.
“Ölkəmizi tanıyaq” devizi ilə keçirilən tur-aksiyanın üçüncü günü – martın 17-də Bakı məktəbliləri Naxçıvan Dövlət Universitetinin Elmi Kitabxanası ilə tanış olublar.Şagirdlərə əvvəlcə kitabxana haqqında ətraflı məlumat verilib.Bildirilib ki,Naxçıvan Dövlət Universitetinin Elmi Kitabxanasında ayrı-ayrı elm sahələri üzrə ixtisaslaşdırılmış 4 şöbə, 10 oxu zalı və 9 fond fəaliyyət göstərir .Elmi Kitabxananın fondunda 30-dan çox dildə 170 000 –dən çox ədəbiyyat saxlanılır. Kitabxanada bu günə dək 45.000-dən çox kitabın elektron kataloqu yazılmış, 4000-ə yaxın kitabın isə tammətnli elektron versiyası hazırlanaraq oxucuların istifadəsinə verilmişdir.Elmi Kitabxana ilə tanışlıq məktəblilərdə zəngin təəssürat yaradıb.
