Novruz bayramı - milli mənəvi dəyərlərin əbədiyaşarlıq rəmzidir
Novruz əsrlərin dərinliyindən gəlib bizim günlərə çıxmış ən şən və gözəl bayramlardan biridir. Novruz bayramını qeyd etmək təzə ili, baharın ilk gününü qarşılamaq deməkdir. Bəşəriyyətin ən qədim şənliklərindən, mərasimlərindən biri də məhz Novruz bayramıdır.Xalqımızın bu günə qədər yaşatdığı, qoruyub gələcək nəsillərə ötürdüyü, müqəddəsləşdirdiyi bu bayram özündə dünyanın yaranma və yaşam sirlərindən tutmuş, gələcəyə, xoşbəxtliyə, bolluğa ümidini əks etdirir. Novruz yeni gün, yeni həyat mənasını daşımaqla həm də azərbaycanlıların yeni ilidir. Çünki məhz Novruzda həyat yenidən canlanır, torpaq qış yuxusundan oyanır, bitkilər baş qaldırır, ağaclar çiçəklənir, günəş istisi artır, gecə ilə gündüz bərabərləşir və beləliklə də yeni həyat başlayır. Novruz bayramı münasibəti ilə Naxçıvan Dövlət Universitetinin Elmi Kitabxanasında “Novruz Bayramı”adlı sərgi təşkil olunub .Naxçıvan Dövlət Universitetinin Elmi Kitabxanasının əməkdaşları adından qarşıdan gələn Novruz Bayramı münasibəti ilə bütün Azərbaycan xalqını təbrik edirik.
