Naxçıvan Muxtar Respublikası - 93
NDU-nun Elmi Kitabxanasında “Naxçıvan Muxtar Respublikası - 93” adlı sərgi təşkil olunmuşdur. Azərərbaycanın qədim tarixə, zəngin mədəniyyətə və çoxəsirlik dövlətçilik ənənələrinə malik Naxçıvan diyarı çətin, mürəkkəb və eyni zamanda parlaq inkişaf yolu keçmişdir. Şərq aləminin elmi-mədəni mərkəzlərindən biri olaraq şöhrət tapan bu torpaq neçə-neçə görkəmli alim, sənətkar və tarixi şəxsiyyətlər yetirmişdir. Bu sərgidə 60 adda kitablar nümayiş etdirilmişdir. “Naxçıvan xanlığı”, “Naxçıvan ensiklopediyası”, “Naxçıvan”, “Azərbaycan Xalq Cumhuriyyəti və Naxçıvan”, “Naxçıvan qədim Azərbaycan diyarıdır”, “Naxçıvan Muxtar Respublikası-85”, Ə.Qəhrəmanov “Naxçıvan teatrı intibah yollarında (1883-1920)”, V.Baxşəliyev “Naxçıvan qədim tayfalarının mənəvi mədəniyyəti”, “Naxçıvan tarixi atlası” və s. Sərgimiz fevral ayının sonuna kimi davam edecek.
